السماح
:::::::::::::::::::
بشكى منك وبشكى ليك
قلبى يا مسكين وهين
عشت ريده وغدرو بيك
أصلو ظلم الدنيا بين
***
آسى كل الانجراح
وزيدها افراح المسا
والحزينه تونسا
ومر على كل الديار
كون بشارة خير وفال
وأبقى عنوان للجمال
المستحيل ببقى هين
لو جراح الغدر مره
بكره بتطيب الجراح
ولو جفا الاحباب امر
أفتح ابواب السماح
الصعاب بكره بتهون
أطرد الهم والظنون
والمقدر هو البكون
طالما قلبك حنين
***
قدر ما تقدر تحب
حب وأغفر للبخونك
وأزرع الريد فى الدروب
بكره بثمر بيهو كونك
وقابل الناس بى ابتسام
وانسى دنياها الخصام
والبلومك هو الملام
طالما قلبك حنين
***
بشكى منك وبشكى ليك
قلبى يا مسكين وهين
عشت ريدو وغدرو بيك
أصلو ظلم الدنيا بين
متين يا الله نمشيلا. كوستى الجميله....