منتدي يهتم بابناء مدينه كوستي
 
الرئيسيةاليوميةس .و .جبحـثالأعضاءالتسجيلدخول

شاطر | 
 

 قصيدة لواحد سوداني بيرد فيها لواحد عربي كان يستهزأ بكلمة زول

اذهب الى الأسفل 
كاتب الموضوعرسالة
كوستاوية



عدد الرسائل : 2
العمر : 32
تاريخ التسجيل : 30/11/2009

مُساهمةموضوع: قصيدة لواحد سوداني بيرد فيها لواحد عربي كان يستهزأ بكلمة زول   الإثنين نوفمبر 30, 2009 6:11 am

أنا الغلطان
تقول ‏ لي ‏ زول؟ !
بقول ‏ ليك ‏ زول !!
مالو الزول؟
و انت بتعرف إيه للزول ؟
سخيف وجهول
كمان زعلان
خلاص يا سيدي أنا غلطان
شطحت وكنت فاكرك زول
الزول الماهو عاجبك ده
الله الخلقو خلقو كده
سمرة لونو من لون طينو
يبقى الفرق بينك و بينو
إنو نضيف و ابيض قلبو
عارف قدرو شاكر ربو
ساتر عرضو ماسك دينو
مخلص أمين وديع و رزين
حشيم القول بديعو رصينو
لطيف وعفيف و كاتلو حنينو
أسد في الحاره
لابختاك و لابرجاك تجيو في عرينو
أكان بى حدره بادرتو
بيتلقاك بى عتره
وبستناك تقول الروب
قبل ما يشممك سكينو
يا بتوب يا بيوسدوك الطوب
والراجل يحمر عينو
كمان بى كلمه بتخاويهو
وبى بسمه بجيك خيرو
لا بتقدر تعيش من دونو
لا بتختاهو لى غيرو
زول الماهو عاجبك ده
بلا توجيه ولا تعليم
أديب و فهيم
هميم وكريم
و فطرة ربو من يوم خلقو
لا فتان و لا خوان
أخو أخوان
بكفي الألف و الألفين من الضيفان
و لو اضطر يرهن ولدو
و ان ما كفى
باع بيت أهلو و الجيران
زول الماهو عاجبك ده
يوم تحتاجلو بتلاقيهو
أكان ورطان وكان جيعان
و كان وجعان و كان سجمان
قبل تتأوه و تناديهو
يمين في أقل من برهه
و بين مد الألف و الها
قبل ناسك بجيك حفيان
بضمد جرحك و بداويهو
بكتل أبدرقه بى إيديهو
بطفي الواقده بى رجليهو
ما بتغباههو
لما تدورو بتلاقيو مكان حاريهو
اللافيبا راسو الزول
و متباهيبه إسمها عمه
سنة سيد الأسياد
المعصوم شفيع الأمه
و سيما الأوليا الزهاد
قلال الزاد كبار الهمه
و تاج العزة و الجبره
و رمز الطيبه و الحكمه
و الملفوف على المبروكه
إسمو التوب
لباس العفه و الحشمه
أزيدك من فضول القول
ولا خلاص عرفت الزول
ده جمل الشيل
دخري الحوبه
فارس العتمه ساري الليل
لبيب و زكي و نجيب بلحيل
فهيم فهماً يهد الحيل
تقول لي ما فهمت عليك عيد القتو لي تاني !
واجيب فهامه عاد من وين
كلامي القتو ألماني؟
أخير ليك تمشي تختاني
وتنسى الزول و تنساني
وفوت قبال تعاديني
و اقول اللوح ده عاداني
و يكفي الزول و يكفيني
إني و إنو سوداني
الرجوع الى أعلى الصفحة اذهب الى الأسفل
حمدالجبيل
مشرف
مشرف
avatar

عدد الرسائل : 12
العمر : 45
تاريخ التسجيل : 15/12/2009

مُساهمةموضوع: رد: قصيدة لواحد سوداني بيرد فيها لواحد عربي كان يستهزأ بكلمة زول   الثلاثاء ديسمبر 15, 2009 4:44 am

سلمت يداك اختي كوستاوية






الرجوع الى أعلى الصفحة اذهب الى الأسفل
عرفات



عدد الرسائل : 3
العمر : 29
تاريخ التسجيل : 13/03/2010

مُساهمةموضوع: رد: قصيدة لواحد سوداني بيرد فيها لواحد عربي كان يستهزأ بكلمة زول   الأحد أبريل 18, 2010 8:59 am

مشكور على الزوق الرائع
الرجوع الى أعلى الصفحة اذهب الى الأسفل
ابوعشوش
مراقب
مراقب


عدد الرسائل : 14
العمر : 42
تاريخ التسجيل : 30/04/2010

مُساهمةموضوع: رد: قصيدة لواحد سوداني بيرد فيها لواحد عربي كان يستهزأ بكلمة زول   الأربعاء مايو 05, 2010 5:12 am

انتى فراسه وانتى جراسه
انتى العفه فيك الراجل حرارة قلب وشهامه
انتى نسيبه وانتى يا عازه رفعتى الراس
انتى سودانية كوستاويه فرسه قويه

الله يديك العافيه

هيثم
الرجوع الى أعلى الصفحة اذهب الى الأسفل
salah



عدد الرسائل : 2
العمر : 37
تاريخ التسجيل : 20/10/2010

مُساهمةموضوع: رد: قصيدة لواحد سوداني بيرد فيها لواحد عربي كان يستهزأ بكلمة زول   الأربعاء أكتوبر 20, 2010 9:05 am

يا كوستاويه الله يغطى عليك ويزيدك كمان وكمان
الف شكر على الزول الجميل دا
الرجوع الى أعلى الصفحة اذهب الى الأسفل
 
قصيدة لواحد سوداني بيرد فيها لواحد عربي كان يستهزأ بكلمة زول
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مدينه كوستي :: ملتقي ناس كوستي :: منتدي الشعر والخواطر-
انتقل الى: